Te Kupu o Te Uru – Alana Broughton

Te Kupu o Te Uru – Alana Broughton
Nau mai hoki mai e hoa mā ki tēnei wāhanga o Te Kupu o Te Uru.
He tirohanga whānui tēnei ki ngā pūrongo kua whakapaoho atu i te wiki kua pāhemo.

Ko Alana Broughton te Manu Arataki e kōrero nei i ngā āhuatanga o roto mai ana i ngā pūrongo katoa o te wiki ku hori ake nei.

Anei ngā pūrongo e rārangi nei:

Koina noa ngā pūrongo mō tēnei wiki e hoa mā, tēnā hoki mai anō ki te whakarongo atu ki ngā kohinga pūrongo o te wā. Ko Te Kupu o Te Uru tēnei e mihi ana ki a koutou katoa, Noho ora mai.

-NGAA RAURU WOMEN’S LEAGUE TEAM –
I whātoro ai ngā parirau a ngā uki o Te Kāhui Rere i te papa tū te puehu o te rīki ki te whakataetae rīki a ngā iwi o Taranaki i tū ki Te Wairoa iti. Maru wehiwehi ana a tama wahine i tōna turuki i te ara hautapu o Tū-ka-nguha. He tuatahitanga mā Rauru Kiitahi ki eke panuku ā tangaroa ki tēnei taumata.
Ko te mauri ora kē o te whanaungatanga o ngā uri o Taranaki te matū taketake o te huinga hau ora nei.

– AWHI MAI CREATIONS –
He pakihi a Awhi Mai Creations, e waihanga ana i ngā kāri whakamihi i te reo Māori. Ko Petrina Clark te Ūpoko o tēnei pakihi auaha nei. Kei te pakari haere te tū o te pakihi. Kei te pūrongo nei te whānuitanga o ngā kōrero me ngā whakamahuki mō tēnei pakihi.

– TE MAURI O TE MATATINI –
Ku’ tau Te Mauri o Te Matatini ​ki te awa tupua o Whanganui
Ku’ eke tangaroa ku eke panuku te Morehu o Te Pā o Rātana ki Te Awa Tupua o Whanganui. He kawe i Te Mauri o Te Matatini te kawenga. Ku’ rarau Te Mauri o Te Matatini ki te pā o Kaiwhaki hei ara hononga ki te awa katoa. He taunga motuhake tēnei nō Te Mauri kia morimoringia a ia e ōna rahi mai i Te Kāhui Maunga ki Tangaroa.

– KAPUTĪ I WHANGANUI –
Ko te ‘kapu tī’, te kaupapa tūranga o tēnei pūrongo. E whai ake ana te pūrongo nei i te waiora o te inu kapu tī rawa. He pakihi kapu tī ana tēnei hei whāngai i te marea. Kei Whanganui tonu rā tenei kapu tī e koropūpū ana.

– KI Ō RAHI –
Kei tēnei pūrongo ka hahauria ake ko ngā whakamahuki e hāngai ana ki te whakataetae Kī ō rahi tonu. He taumata ikeike kē tō te hākinakina kei te karamatamamata o te motu e tū ana. Koia tēnei te tū tira a ngā ope tākaro ki te pae o angitu.

Alana Broughton gives an overview of the 4 Stories for the week of 23rd – 27th of October 2023.

Funded by Te Māngai Paho